தி.மு.க வை சாடும் முகமூடியின் பதிவு.

http://mugamoodi.blogspot.com/
கலர் (டிவி) கனவுகள்




முகமூடி ஒரு சாராருக்கு எதிராக எழுதுகிறார் என்கிற ரீதியில் சில பின்னூட்டங்கள் அங்கே உள்ளன. கலர் டீவி கொடுப்பது என்பது உலக மகா கேணத்தனம் அதில் எந்த சந்தேகமும் இல்லை. என்ன காரணங்கள் கூறியும் இதனை நியாயபடுத்த முயல்வது தவறானதும் மட்டுமில்லை. மிக அபாயமான ஒன்றும் கூட.


http://mahendranmahesh.blogspot.com/2006/04/blog-post_05.html




மகேஷ் மிக எளிமையாக , ரசிக்கும் வண்ணம் இந்த திட்டத்தை குறை கூறி எழுதி உள்ளார்.




மகேஷின் பதிவினை படிக்கும் போது நமக்கு தோன்றுகிற கருத்து: மகேஷ் நடுநிலைமையாகவே இதனை விமர்சித்துள்ளார். ஆனால் அதே கருத்து நமக்கு முகமூடியின் பதிவை காணும் போது தோன்றவில்லை. இன்னமும் சொல்ல போனால் பல பதிவர்கள் உள்நோக்கத்தோடு தி.மு.க வை விமர்சிக்கின்றார்கள் என்றே தோன்றுகிறது.






இதே திட்டத்தை ஜெயலலிதா அறிவித்திருந்தால் மகேஷ் அதனை கண்டிப்பாக விமர்சனம் செய்திருப்பார் என்றே தோன்றுகிறது.ஆனால் முகமூடி அதனை விமர்சனம் செய்திருப்பாரா? இரசிக்கும் வண்ணம் எழுதுகிறவர்களில் ஒருவரானா முகமூடி நடுநிலைமையோடு தான் எழுதுகிறாரா?




ஜெயலலிதாவின் ஆட்சியின் முரட்டு தனங்களை மறக்க முடியுமா? யார் மீது வேண்டுமானாலும் கஞ்சா வழக்கு, அடி உதை வழக்கு இதெல்லாம் அதிகார துஷ்பிரயோகங்களின் உச்சகட்டம். அடிப்படையில் ஜெயலலிதாவின் குண நலன்கள் மாறவே இல்லை. தனக்கு தோன்றுவது எதுவாக இருந்தாலும் அதனை செய்வது என்கின்ற ஜெயலலிதாவின் குணம் அனைவருக்கும் தெரிந்த போது ஏன் அதை பற்றி முகமூடி எழுதுவது இல்லை.




பலர் கூறியது போல இது இரண்டு மோசமான சாய்ஸ்களில் சிறந்த ஒன்றை தேர்ந்தெடுப்பது என்கின்ற நிலைமையில் இந்த தேர்தல் உள்ளது. அப்போது நாம் நாட்டின் நலன் கருதி நடுநிலைமையோடு ஒன்றை தேர்வு செய்வது பற்றி ஆராயாமல் ஒன்றை மட்டுமே குறை கூறி கொண்டிருப்பது நல்லது தானா? இந்த இடத்தில் சாத்தியமே இல்லை( குறைந்த பட்சம் தேர்தலில் ஆவது) என்றாலும் விஜயகாந்தை ஆதரிக்கும் எஸ்கே மற்றும் ஒ போடு என்று பிரசாரம் செய்ய்ம் -ஞானி அவர்களை பற்றி முகமூடி யோசித்து பார்க்க வேண்டும்.



முகமூடி இதற்கு பதில் கூறவேண்டிய கட்டாயம் இல்லை. ஆனால் அவர் விளக்கம் கொடுத்தால் நன்றாக இருக்கும். தயவு செய்து இதனை யாரும் தவறாக அல்லது தனிப்பட்ட விமர்சனம் ஆகவோ எடுத்து கொள்ள கூடாது.