மேலும் ஒர் மென்பொருள்

பல நாட்களுக்கு முன்னர் சில மென்பொருட்கள் பற்றிய குறிப்புகளை இட்ட போது, ஒருத்தர், வெவ்வேறு மென்பொருட்களில் எவ்வளவு நேரம் வேலை செய்தோம் என்பதை கண்டு கொள்ளும் வசதி பற்றி கேட்டு இருந்தார். அப்படி ஒரு மென்பொருள் இருக்கிறது.

இதோ அதற்கான லிங்க்.

http://sourceforge.net/projects/ptm

நம்பிக்கை இல்லாத ஒர் பதிவு.

இலங்கையில் இருந்து தென் ஆப்ரிக்கா அணி திரும்ப போகிறது என்பது உறுதியாகி விட்ட நிலையில், இந்த பதிவு எழுதப்படுகிறது. உண்மையில் தென் ஆப்ரிக்கா அணியினர் அதிர்ஷடக்காரர்கள். பாதுகாப்பு பற்றி அச்சம் வந்த உடன் அவர்களால் ஒரு திட்டவட்டமான முடிவு எடுக்கமுடிகிறது. அதை செயல்படுத்தவும் முடிகிறது. அங்கு (வேறு வழியின்றி?) வாழும் பொது மக்கள் நிலைமை தான் மிக பரிதாபம். அகதியாக தமிழகத்திற்கு வருபவர்களை பற்றிய செய்திகள் நெஞ்சை சுடுகின்றன.

கிரிகிஃபோ போட்டிகள் மாற்றி அமைக்கபடுவது பற்றி விரிவாக எழுதி தள்ளுகிறது. ப்ளேயர்கள் மனநிலை பாதிக்கபட்ட பின்னர் அவர்களால் எந்த அளவுக்கு ஆட்டத்தில் கவனம் செலுத்த முடியும் என்பது பற்றி கேள்விகள் எழுப்பிகிறது. அங்கே இருக்கும் மக்கள் நிலைமையை இரண்டு வரி செய்தியாக ஒதுக்கி விடுகிறோம்.

ஒர் சமுகமாக மக்கள் வெற்றிகரமாக வாழக்கற்று கொள்ளவில்லை. உலகெங்கும் நடக்கும் நாசவேலைகளுக்கு அதுவே மூலகாரணம். ஒட்டு மொத்தமாக வேற்று கிரகத்தினர் யாராவது வந்து படையெடுத்து வந்தால் தான் உலகில் ஒற்றுமை வருமோ?

எளிதாகவே ஆயுதங்கள் கிடைப்பது, தாக்குதல் எண்ணம் கொண்டவர்கள், தங்கள் எண்ணங்களை நிறைவேற்ற பேருதவியாக இருக்கிறது. க்ளோனிங்கை தடை செய்பவர்கள், ஒரின சேர்க்கையை , புத்தங்களை , பொது கூட்டங்களை தடை செய்பவர்கள், ஆயுதங்கள் தயாரிப்பதை ஒட்டு மொத்தமாக தடைசெய்யலாம்.

இவ்வளவு ஆயுதப் போராட்டங்களும் சண்டைகளும் இழந்த உயிரை மீண்டும் கொண்டு வருமா, அல்லது நாளைய நிலைமையைத்தான் நன்றாக ஆக்குமா?

வெறுப்புணர்ச்சி ஆழமாகவே வேர் விட்டு விட்டது உலகின் பல இடங்களில். அதன் விளைவுகள் இன்னமும் கசப்பான சம்பவங்களையே உண்டு பண்ண போகின்றன. இவ்வளவு ஆண்டு அடித்து கொண்ட்ட பின்னரும் சமாதானம் நோக்கி இவர்கள் திருந்தவில்லை என்றால், இரண்டு தரப்புகளும் கடைசி ஆளை ஆயுதத்தை இழக்கும் வரும் தொடருமோ...

எண்ணி பார்க்கவே பயமாக இருக்கிறது.

அவன்ட் இணைய உலாவி.

அவன்ட் இணைய உலாவி.

இன்று தான் டவுன்லோடு செய்து பயன்படுத்த ஆரம்ப்பித்தேன். சில மணி நேரங்களிலேயே என்னை மிகவும் கவர்ந்து விட்டது இந்த அவன்ட் இணைய உலாவி. பிரபலமாக இல்லாதது ஏனென்று தெரியவில்லை. ஆனால் இன்டர்னெட் எக்ஸ்ப்ளோரரை விட இது மிக திருப்திகரமாக, வசதியாக உள்ளது.

பொதுவாக என் வேலையின் காரணமாக இன்டர்னெட் எக்ஸ்ப்ளோரரை விட வேறு ஏதேனையும் நான் பயன்படுத்துவதில்லை. காரணம் என்னுடைய ப்ராஜக்ட் செட்டிங்க்ஸ் , டெக்னாலாஜி அனைத்தும் இன்டர்னெட் எக்ஸ்ப்ளோரருக்காக உருவாக்க பட்டவை.

சில காலமாக இன்டர்னெட் எக்ஸ்ப்ளோரரை கொண்டு வீடியோ பார்க்கும் போது பல பிரச்சினைகள் வந்தது. அதன் காரணமாக மற்றொரு இணைய உலாவி தேடினேன். நான் எந்த மென்பொருள் தேவைப்பட்டாலும் போகும் முதல் இடம் கூகுள் அல்ல.டவுன்லோட்ஸ்.காம்.

அங்கு தான் இந்த இணைய உலாவியின் லிங்க் கிடைத்தது. பல மற்ற உலாவிகள் இருந்த போதிலும் , இந்க மென்பொருளின் சைஸ் 2 எம்பிக்கு குறைவாகவே இருந்தது உடனடியாக டவுன்லோடு செய்ய தூண்டியது. உபயோகித்து பார்த்ததில் எனக்கு தோதுவானதாக இருந்தது.

லிங்குகள் விபரம்.
Avant Browser
Downloads

பின்னூட்டங்களை பிரசுரம் செய்வது...

சிவஞானம் என்ற சகபதிவருக்கு கேள்விகள் என்று பல கேள்விகள் எனது பதிவிற்கு பின்னூட்டமாக வந்திருக்கிறது. இன்னமும் பல பதிவர்களுக்கு இந்த பின்னூட்டங்கள் இடபட்டுள்ளன. எல்லாருக்கும் அனுப்பினால் யாராவது ஒன்றிரண்டு பேராவது பதிவு செய்வார்கள் என்ற எண்ணத்தோடு தான் இந்த பின்னூட்டங்கள் இட பட்டுள்ளன. அது போலவே இந்த பின்னூட்டம் வெளி இட பட்டுள்ளது. சில வரிகள் எடிட் செய்யபட்டுள்ளன.

உண்மையில் ஒர் பதிவருக்கு கேள்விகள் அனுப்பட வேண்டுமானால், அதை அவர் பதிவில் பின்னூட்டமாக இடுங்கள். அல்லது உங்கள் வலைப்பூவில் இன்னாருக்கு கேள்விகள் என்று பதிவாக இடுங்கள். அதை விட்டு விட்டு சகட்டுமேனிக்கு எல்லா பதிவுகளிலும் பின்னூட்டம் இடுவது என்பது சரியான முறையன்று.இதை ஊக்குவிக்காதீர்கள் என்று சகபதிவர்களை வேண்டி கொள்கிறேன். எந்த பின்னூட்டம் வெளி இட படவேண்டும் என்பது உங்களுடைய தனிபட்ட சுதந்திரமே. உங்கள் சுதந்திரத்தை இன்னொருவர் முறைகேடாக பயன்படுத்த விடலாமா?

BackGround Image

புத்தகம் வெளியிட ஆசையா?

உங்களுக்கு மின்வடிவத்தில் புத்தகங்கள் வெளியிட ஆசை உள்ளதா?. இதற்கு லூலூ இணையதளம் உதவுகிறது. உங்கள் புத்தகங்களை இந்த தளத்தில் விற்பனை செய்யலாம். புத்தக விலையில் ஒர் பங்கு இந்த நிறுவனத்திற்கு போய் சேரும்.

மேற்கொண்டு பல வசதிகள் பெற வேண்டுமானால், நீங்கள் சிறிய தொகை கட்ட வேண்டியிருக்கும். இந்த தளம் ஒரளவு பிரபலமாகவே உள்ளது. புத்தகங்கள் விற்பதற்கு வாய்ப்புகள் மற்ற தளங்களை விட, அதிகமாகவே உள்ளது.பல்வேறு துறையினரும் இங்கு புத்தகங்கள் வெளியிட்டாலும் இங்கு கணிப்பொறி துறை புத்தகங்கள் அதிகமாக உள்ளது. புத்தகத்தில் இருந்து ஒரு சாப்டரை சாம்பிளாக வெளியிடலாம். விற்பனை விலை என்ன என்பதை நிர்ணயம் செய்ய உங்களுக்கு முழு உரிமை உண்டு.என்னுடைய தனிப்பட்ட அனுபவம் திருப்திகரமாகவே உள்ளது. எனவே நம்பிக்கையோடு சிபாரிசு செய்கிறேன்.

குமுதமும் அடுத்த படியாக கட்டண தளமாக மாறுகிறது.

இவ்வளவு நாள் குமுதத்தை இணையதளத்தில் பார்க்கும் போது எனக்குள் இருந்த ஆச்சரியம் எவ்வாறு குமுதம் பத்திரிக்கைகள் இலவசமாக இணையத்தில் வழங்கபடுகின்றன என்பது. என்றாவது ஒர் நாள் கட்டண தளமாக இது மாறும் என்ற எண்ணம் இருந்தது. தற்போது விரைவில் கட்டணதளமாக மாற போவதாக அறிவிப்பு வந்துள்ளது.

தினமலர், தினகரன் இன்னும் பல தமிழ் ஆங்கில நாளிதழ்கள் இன்னமும் இலவசமாகவே தொடர்கின்றன என்றாலும் எவ்வளவு நாள் இது தொடரும் என்பது சந்தேகமே. இலவசமாக வழங்கி வாசகர் வட்டம் உருவாக்கி, ரெகுலராக படிக்கும் பழக்கம் கொண்டு வந்து பின்னர் கட்டணம் வாங்க துவங்குகிறார்கள் என்று தோன்றுகிறது. தினகரன் நாளிதழ் முதலில் ஒரு ரூபாய்க்கு விற்றார்கள். பின்னர் சிறிது காலம் கழித்து இரண்டு ரூபாய்க்கு வந்து விட்டது. இதே போன்று தான் ஸ்டார், இயெஸ்பின் போன்றவையும் துவக்கத்தில் இலவசமாக வந்து பின்னர் கட்டணம் வாங்க துவங்கின.

இணையத்திலும் பல இலவச மென்பொருட்கள், திறந்த மூலங்கள் உள்ளன. நாளடைவில் அவையும் கட்டண மூலங்களாக வாய்ப்பு உள்ளது. ஏனெனில் வெறும் ஆர்வத்தினாலும், பலர் இணைவதனாலும் மட்டும் எந்த அமைப்பும் தொடரமுடியாது. இறுதியில் பணம் எங்கிருந்தாவது வந்தாக வேண்டும்.

வெட்டிப்பயல்: வலைப்பதிவர்களுக்கு என் நன்றி!!!

வெட்டிப்பயல்: வலைப்பதிவர்களுக்கு என் நன்றி!!!

பிரகாஷ் ராஜ் காதலிக்க கூடாதா?

பிரகாஷ்ராஜ் பாவனாவை காதலிப்பது ரொம்ப டூ மச்சாம். இப்படிதான் பிதற்றி இருக்கிறது ஜூனியர் விகடன். விகடனில் இடம் பெற்றவரிகளை அப்படியே உங்களுக்கு தருகிறேன்.
டைரக்டர் மனோஜ்குமார் தயாரிப்பில் உருவாகி வரும் ஆரியா படத்தில் மாதவனும் பிரகாஷ்ராஜும் போட்டி போட்டு கொண்டு பாவனாவை துரத்தி துரத்தி காதலிக்கிறார்கள். மாதவன் ஒகே.பிரகாஷ்ராஜ் துரத்தி துரத்தி காதலிப்பதேல்லாம் டூ மச் இல்லையோ
ஏற்கனவே பெரும் வெற்றி பெற்ற கில்லை என்ற படத்தில் பிரகாஷ்ராஜ் திரிஷாவை துரத்தி துரத்தி காதலித்தார். அவர் ஐ.லவ் யூ என்று திரிஷாவிடம் சொல்லும் காட்சியை பலரும் ரசித்தார்கள். திறமையுள்ள நடிகர்களில் அவரும் ஒருவர். திரிஷாவும் பிரகாஷ்ராஜை விட பல வயது மூத்த ரஜினியோடு நடிக்க போட்டி போட்டார். இறுதியில் ரஜினி ஷ்ரேயோவோடு டூயட் பாடிக்கொண்டு இருக்கிறார். இந்த நடிகை ரஜினியின் மருமகன் தனுஷ் நடிக்கும் திருவிளையாடல் படத்திலும் கதாநாயகியாக (அதாவது ஹீரோவோடு டூயட் பாடுபவராக) நடிக்கிறார்.
எல்லாவற்றிற்கும் மேலாக திரையில் வயது வித்தியாசம் என்பது கேலியாகி போய் இப்போது இல்லாது போன ஒன்று. ரஜினி அல்லது மற்ற நடிகர்கள் ஹீரோயின் டூயட் பாடுவதை சலனமாக பார்க்கும் விகடன் பிரகாஷ்ராஜை வித்தியாசமாக பார்ப்பது ஏன். இத்தனைக்கும் இவர் ரஜினியை விட பல வயது இளையவர். நடிப்பு திறமை மட்டும் இல்லாமல், பல்வேறு வித்தியாசமான திரைப்படங்களை தயாரிக்கிறவர். வில்லனை நேர் வாழ்க்கையில் வில்லனாகவும், நகைச்சுவை நடிகனை நிஜவாழ்க்கையிலும் நகைச்சுவை நடிகனாகவும், ஹீரோவை நிஜவாழ்க்கையில் ஹீரோவாகவும் பார்க்கிறதா, விகடன்.

Ebrary

இ-பேப்பர் வடிவத்தில் பார்ப்பதற்கு , தினமலர் தினகரனை விட நன்றாக உள்ளது. டெக்னாலாஜி அடிப்படையில் இரண்டும் ஒரே மாதிரியானவை. அச்சடிப்பதற்கு முன்னர் தற்போது , பேஜ்மேக்கர் அல்லது வேறு ஏதேனும் மென்பொருளை கொண்டு அடோப் பி.டி.ஃப் ஃபார்மட்டில் கொண்டுவருவார்கள். பி.டி.ஃப் வடிவத்தில் இருக்கும் இந்த டாகுமெண்ட்களை வெப் வடிவத்தில் கொண்டு வர பல நிறுவனங்கள் மென்பொருட்கள் உருவாக்கி உள்ளன. பார்ப்பதற்கு பேப்பரை ஸ்கேன் செய்து வெளியிட்டுள்ளார்கள் என்ற எண்ணத்தை இவை உண்டு பண்ணும்.

அவற்றில் ஒன்று போத் ட்ரீ(http://www.bodhtree.com/) எனப்படும் நிறுவனத்தின் மென்பொருளைத்தான் தினமலர் பயன்படுத்துகிறது. இது தரத்தில் தினகரன் பயன்படுத்தும் மென்பொருளை(ePaper solution by 4cplus & cadgraf digital ) விட மேலாக உள்ளது.

இது இரண்டு தளங்கள் பற்றி அனைவருக்கும் தெரிந்து இருக்கும். இது போலவே பல்வேறு துறை சார்ந்த புத்தகங்களை ஆன்லைனில் படிப்பதற்கு தோதுவாக இப்ரேரி (http://shop.ebrary.com/ )உள்ளது. 5$ பணம் கட்டி நீங்கள் எத்தனை புத்தகம் வேண்டுமானாலும் படிக்கலாம். ஆனால் ப்ரிண்ட் செய்தாலோ அல்லது காப்பி செய்தாலோ அதற்கு பணம் கட்ட வேண்டும். இதில் அனைத்து துறை சார்ந்த புத்தகங்கள் இடம் பெற்றுள்ளன. தேடுவதும் மிகவும் எளிதாக இருக்கிறது.

புத்தகங்களை பார்வையிட இப்ரேரி ரீடரை பயன்படுத்த வேண்டும். இதை மிக எளிதாகவே நிறுவிக் கொள்ளலாம். பல்வேறு விதமான புத்தகங்கள் வாங்கி படிப்பதை விட ஆன்லைனில் 5$ கட்டி எக்கசக்கமாக லாபகரமான முறையில் நான் பயன்படுத்தி விட்டேன்.

உயிர் படத்திற்கு எதிர்ப்பு..

இந்த படத்தில் ஆபாசமான வசனங்களோ, நடிகையின் உடலை வெளிச்சம் போடும் காட்சிகளோ இல்லை. ஆனால் படம் வெளியாவதற்கு முன்னர் வந்த வசனம் வக்கிரத்தின் உச்சகட்டம். படத்தினை வடிவேலு வெளிப்படையாகவே எதிர்த்திருக்கிறார். அவர் விட்ட வார்த்தைகளும் அதற்கு பதிலாக பட இயக்குனர் விட்ட வார்த்தைகளும் மிகவும் அதிகம். அடிப்பேன், அரை வேக்காடு என்பது விமர்சனமே அல்ல.

ஒரு ஆண் தன் துணையை இழந்த பின்னர் மற்றொருவருடன் அல்லது மனைவியின் தங்கையுடன் வாழ்க்கை தொடரும் போது, ஒர் பெண் செய்ய கூடாதா என்ற நியாயமான கேள்வியை இயக்குனர் தந்திரமாக பயன்படுத்தி இருக்கிறார் என்றே தோன்றுகிறது. பதிவுலகில் சிறிது நாட்களுக்கு முன்னர் விதவைகள் இல்லாத கிராமம் என்று ஒரு பதிவு வந்தது இங்கு குறிப்பிட தக்கது.

மரணம் என்கின்ற தலைப்பில் போட்டி நடந்து முடிந்திருக்கிற நேரம், இப்போது மரணம் பற்றி பேச வேண்டியுள்ளது. வாழ்க்கையில் எல்லாருக்கும் ஒர் துணை தேவைப்படத்தான் செய்கிறது. ஆனால் துரதிர்ஷ்டவசமாக சிலருக்கு துணையுடன் வாழும் பாக்கியம் கிடைப்பதில்லை. துணை மறைந்து விட்டதால் வாழ்க்கை வரண்டு விட வேண்டுமா?. ஆணாக இருந்தாலும், பெண்ணாக இருந்தாலும் இன்னோர் துணை தேடி கொண்டால் என்ன?மணல் கயிறு படத்தில் எஸ்.வி.சேகர் இதனை ஒரு நிபந்தனையாக வைப்பார் அவருக்கு பெண் தேடும் போது.

துணையுடன் இருக்கும் போது யார் மீது கவனம் திரும்பினாலும் அது தவறு தான். ஆனால் அதற்காக வாழ்க்கையை வீணாக்கி கொள்ள வேண்டுமா ஒர் துர்சம்பவம் நடந்து விட்டால். இந்த சமூகம் பெண்ணிற்கு மறு வாழ்வு தர தயங்கதான் செய்கிறது. என்னுடைய பெரியப்பா மகள் கணவனை இழந்த போது நடந்த சடங்குகளை கண்டிக்கவோ, தடுக்கவோ என்னாலோ, எனது அண்ணலோ முடியவில்லை. இதில் இவை கட்டாயம் நடக்க வேண்டும் என்று கணவன் வீட்டு மக்கள் வற்புருத்தல் வேறு. வருடம் பல ஓடியும், அக்கா மனம் மாறவில்லை. இந்த சடங்குகளை எப்படி தான் தாங்குகிறார்களோ பெண்கள்.

பெண்களுக்கும் உணர்வு உண்டு, அவர்களுக்கும் வாழ்க்கையில் துணை மறைந்தால் மற்றோர் துணை தேவை என்ற ஒன்றை பாசிட்டிவாக காட்ட வழிகள் பல இருக்கின்றன. அதாவது எதிர்பாராத சூழ்னிலையில் அண்ணன் மறைந்து விட தம்பி, அண்ணியின் மீதும் குழந்தைகள் மீதும் கொண்ட ஆர்வத்தினால் காதலை தியாகம் செய்து அண்ணியை மனைவியாக ஏற்று கொள்கிறார். இதற்கு காதலியும், பெற்றொர்களும் துணையாக இருக்கிறார்கள் என்று கூட கதை கற்பனை செய்யலாம். முயற்சி செய்தால் இந்த கதைக்கும் விறுவிறுப்பாக திரைக்கதை அமைக்கலாம். ஆனால் உயிர் கொஞ்சம் நெகடிவ்வாக அமைந்து விட்டதோ என்று தோன்றுகிறது.

இது ஒரு சோதனை பதிவு-விகடன் ஃபான்டுக்காக

Mèì¡ ç𣡆 கொ‡´ ‘â¿îŠð†ì ðFவு Þ¶. ‘âîŸè£è Mèì¡ ç𣡆, ãŸèù«õ »Qகோ† ï¡ø£èˆî£«ù Þ¼è£ø¶, தே´õ »Qகோ† ù Cø‰î¶ ‘â¡ø Gò£òñ£ù ‘â‡íƒèœ õரô£‹. Ýù£™ Mèì¡ ç𣡆 𣘊ð மிèவு‹ ï¡ø£è ޼裡ø¶. ‘âù«õ Üî¡ மி¶ å¼ è£î™. ÜîŸè£èˆî£¡ Þ‰î «ð£ó£†ì‹. ‘â™ô£ ‘⿈¶‚‚ளாÞ»‹ தே® கொ‡´ õ‰¶ ªð£¼ˆ¶‹ «õ¬ô Þ¡ùº‹ º®òM™¬ô. Ýù£™ ªõŸறி èரñ£è ï쉶 கொ‡®¼è£ø¶.

விகடன் ஃபான்ட் கொண்டு எழுதப்பட்டது.

இந்த வரி வழக்கம் போல யுனிகோட் கொண்டு எழுதப்பட்டது.
கழுகார் உள்ளே
கீழே உள்ள வரி விகடன் ஃபான்ட் கொண்டு எழுதப்பட்டது.

è¿è£˜ àœ«÷

எனக்கு பிடித்த திறந்த மூலங்கள்-இலவச மென்பொருட்கள்.

எனக்கு பிடித்த திறந்த மூலங்கள்-இலவச மென்பொருட்கள்.

எனக்கு மிகவும் உபயோகமாக இருக்கின்ற சில மென்பொருட்களின் தொகுப்பு. இவற்றை பயன்படுத்த ஆரம்பித்த பின்னர் எனக்கு இரண்டு ஆள் பலம் வந்து விட்டது. அவ்வளவு சிறப்பாக உள்ளன. அது மட்டுமின்றி இவையனைத்தும் திறந்த மூலம்/இலவசம் வகை சார்ந்தவை.

1. வின்மெர்ஜ்-WinMerge
இது இரண்டு ஃபைல்களை ஒப்பிட்டு பார்க்க பயன்படுத்தும் ஒரு திறந்த மூலம். மிக வேகமாக செயல்படுகிறது. ஒப்பிட்டு பார்க்கும் போது -ஏதேனும் மாற்றங்களை நீங்கள் செய்தால் ஒரு காப்பி எடுத்து வைத்து கொள்கிறது.

கிடைக்கும் இடம்:http://winmerge.sourceforge.net/

2. மைஜெனரேஷன்.-MyGeneration
நான் பார்த்ததிலேயே ஒரு மிக சிறந்த கோட் ஜெனரேட்டர். பொதுவாக கோட் ஜெனரேஷன் வகை டூல்கள் தங்களுக்குள் முன்னதாக டிஃபைன் பண்ண பட்டிருக்கும் லாஜிக் படி மொத்தமாக கோட் ஜெனரேட் பண்ணும். சில கமெர்ஷியல் ப்ராடக்ட்கள் ஒரு சில டிஎல் எல் ஃபைல்களை ரெஃபர் பண்ணி கோட் ஜெனரேட் பண்ணும். அதாவது பேஸ் க்ளாஸ் கோட் அந்த டி எல் எல் ஃபைல்களில் இருக்கும். அந்த கோட் என்ன என்பது நமக்கு தெரியாது. அந்த பேஸ் கிளாஸ்களை இவர்கள் இன் ஹேரிட் செய்து கோட் எழுதுவார்கள். இதனால் நீங்கள் ஒரு தேர்ட்பார்ட்டி டிஎல் எல்லை பயன்படுத்த வேண்டிய கட்டயாத்திற்கு உள்ளாக்க படுவீர்கள். ஆனால் இந்த இலவச மென்பொருள் டெம்ப்ளெட் பயன்படுத்தி கோட் ஜெனேரட் செய்கிறது. உங்கள் தோதுக்கு கோட் ஜெனெரேட் பண்ணலாம். ப்ளாக்கர் டெம்ப்ளேட்கள் நிறைய கிடைப்பது போல, இங்கும் நிறைய மாடல் டெம்ப்ளேட்கள் உள்ளன. எளிதாக பயன்படுத்தி மின்னல் வேகத்தில் ஆயிரக்கணக்கான லைன்களை ஜெனெரேட் பண்ணலாம். கண்டிப்பாக பயன்படுத்த வேண்டிய டூல்.

கிடைக்கும் இடம்:http://www.mygenerationsoftware.com/portal/default.aspx

3. ஆரெஸெஸ் பாப்பர்-RSS Popper
அவுட்லுக் பயன்படுத்துபவர்களுக்கான இலவச ஆர்ஸெஸ் ரீடர்.
கிடைக்கும் இடம்:http://rsspopper.blogspot.com/

4. ஸ்லிக்ரன்-SlickRun
இதை பற்றி விரிவாக ஏற்கனவே எழுதியுள்ளேன். மீண்டும் சில வரிகள். நீங்கள் அடிக்கடி பயன்படுத்தும் இணையதளங்கள், ஃபைல்கள், எக்ஸிக்யூட்டபிள்கள் அனைத்தையும் கீ-வேர்ட் பயன்படுத்தி லான்ஞ் பண்ண உதவும் டூல். பலவற்றை ஒரே கீ-வேர்ட் வைத்து திறக்கலாம். உதாரணமாக நான் காலையில் அலுவலகம் வந்த உடன் இதில் ஃப்ராஜக்ட் என்று அடிப்பேன். உடனடியாக டோட் (ஆரகிள் டூல்), அவுட்லுக், டெஸ்ட் டைரக்டர் , எக்ஸ்ப்ளோரர், கம்பெனி இன்ட்ரானெட் அனைத்தும் லான்ச்சாகி விடும்.

கிடைக்கும் இடம்.http://www.bayden.com/SlickRun/


5.டு-டூ லிஸ்ட்-ToDo List
நீங்கள் செய்ய வேண்டிய காரியங்களை பட்டியலிட ஒரு எளிமையான டூல். திறந்த மென்பொருள் வகை சார்ந்தது.
கிடைக்கும் இடம்:http://www.abstractspoon.com/

பயன்படுத்தி பாருங்கள். அப்புறம் சொல்லுங்கள்!!!!

குழலியை கிண்டல் பண்ணுகிறார் மாயவரத்தான்

http://kuzhali.blogspot.com/2006/07/blog-post_24.html

http://mayavarathaan.blogspot.com/2006/07/369.html

குழலியை கிண்டல் பண்ணுகிறார் மாயவரத்தான்(அதாவது அப்படின்னு நினைத்து கொண்டிருக்கிறார்.)

ஏன் இப்படி கூட கிண்டல் அடிங்களேன்,
பஸ்ஸில்,
இந்த சீட்ல உக்காராதீங்க
ஏங்க,
இது டிரைவர் சீட்,
டிரைவருக்கு மட்டும் தனி சீட்டா? என்னய்யா அநியாயம் இது... எல்லாருக்கும் டிரைவர் சீட் கொடுங்க

அப்படின்னு!!!

வெறுமனே மரபுகள் கடைப்பிடிக்க பட்டால் என்ன ஆகியிருக்கும் என்பது குழலியின் பதிவில் வெளிப்படுகிறது. சரியில்லாத மரபுகள் மாற்றபட வேண்டியவே என்பதில் சந்தேகமில்லை. அதை தான் குழலி வலியிறுத்தி உள்ளார். மாயவரத்தான் அதனை கிண்டலடிக்க இன்னமும் சிறந்த வழி கண்டு பிடிக்க வேண்டும். ( அதாவது அவரால் முடிந்தால்)

இது மாயவரத்தான் பதிவில் பின்னூட்டமாகவும் இடபட்டுள்ளது. மற்றவர்களின் பின்னூட்டம் பார்த்தேன். கடற்புரத்தான் அதனை நியாயமாக விமர்சனம் செய்துள்ளார் . ஜயராமன் , எஸ்கே பாராட்டி உள்ளனர் எதிர்பார்த்தது போலவே. தமிழ்பதிவர்களில் பலர் பதிவிற்காக பின்னூட்டம் இடுகிறார்களா அல்லது பதிவர்களுக்காக பின்னூட்டம் இடுகிறார்களா.ப்ரிடிக்டபிளாகவே உள்ளது பலரின் கருத்துக்களும் பின்னூட்டங்களும். சர்ச்சை சண்டை தவிர்க்க விரும்பினாலும் சில இடங்களில் இந்த மாதிரி பின்னூட்டங்களையும் , பதிவுகளையும் நான் இட வேண்டியுள்ளது.

அரசு சர்வாதிகார முகத்தை தொடங்கியுள்ளது.(???)

இவ்வாறாக வர்ணித்துள்ளது ஜூனியர் விகடன். எதை தெரியுமா?. சற்றே முன்னர் வலைபதிவுகள் தடை செய்யபட்டதை. முதலில் வலைப்பதிவுகள் தடை என்பது நிரந்தரமான ஒன்றல்ல. அது தற்காலிகமானது. மேலும் ஒரு சில வலைபதிவுகளை மட்டும் தேர்ந்தெடுத்து தடை செய்வதில் இருந்த நடைமுறை பிரச்சினைகளை மனதில் கொள்ளாமல் இவ்வாறு விமர்சனம் செய்வது சரியா?
வலைபதிவுகள் என்பது இன்னமும் ஒரு சில பிரிவினரால் மட்டுமே பார்க்கபடுகிற, ஒரு சிலர் மட்டிமே கலந்து கொள்கின்ற ஒன்று. பல தேசநலன் கருதிய காரணங்களுக்காக இணையத்தில் கட்டுபாடு எடுக்க அரசு முயலும் போது, சில விஷயங்கள் சற்றே அதிகப்படியாக அமையலாம். நோக்கத்தை மனதில் கொண்டு மக்கள் அதற்கு ஒத்துழைக்க வேண்டும்.
நாட்டின் நலன் கருதி செய்யபடுகின்ற காரியங்களை , சற்றே சிரமங்கள் இருந்தாலும் மக்கள் அதனை பொருட்படுத்த கூடாது. இவ்வாறு கூப்பாடு போடுகின்ற பத்திரிக்கைகள் உண்மையில் அடிப்ப்டையான உரிமைகள் சமூகத்தின் பல பிரிவினருக்கு வழங்கபடாத போது எங்கே போயின?
வலைப்பதிவுகள் சில நாட்கள் தடுக்கபட்டதால் என்ன கெட்டது நேர்ந்து விட்டது? ஒரு சில வசதி குறைவை தவிர வேறு ஏதுவும் பெரிதாக நடந்து விடவில்லையே. எல்லாவற்றையும் விட இது சர்வாதிகாரம் என்று அழைப்பது சரியா?
நடுவர் மன்றம் தீர்ப்பை மதிக்காத அரசாங்கம் இங்கு இல்லையா?. இந்த அரசாங்கங்கள் இவ்வாறு கண்டிக்க பட்டனவா? தமிழ் தொலைக்காட்சி சானல்கள் தடுக்கபடவில்லையா? அப்போது இந்த வார்த்தைகள் வரவில்லையே? பெருந்தலைவர்கள் கைது செய்யபடும்போதோ அல்லது பெருந்தலைவர்கள் மறைந்த போதோ சமூகமே பாதிக்கபட்டதே.. அப்போது இந்த வார்த்தைகள் வரவில்லையே!!
ஒரு தனி மனிதனின் சுதந்திரம் என்பது சமூக நலனுக்கு கட்டுபட்டதே. நாட்டிற்காக நாம் சில சமயங்களில் அதை தியாகம் செய்தவதை பொருட்படுத்த கூடாது. பெருந்தவறுகளை கண்டும் காணாதது போல இருந்து விட்டு, அல்லது அடுத்த வீட்டுகாரரிடம் , எதிர்த்து வீட்டு காரரிடம் விவாதித்து விட்டு, பதிவில் கிண்டலடித்து விடுவதையே நாம் சமுக பொறுப்பாக கருதுகிறோமா?
பெரிய தவறுகளுக்கு வாய் திறக்காமல் , சும்மா ஒண்ணும் இல்லாத பிரச்சினைக்கு ஒரு வாய்ஸ் கொடுத்து விட்டு, உதார் விட்டு திரியும் வாய்ச்சொல் வீரர்களாகி விட்டோமா நாம்...
ஐ.டி. தொழில் ஒரு பணக்கார, சமூக அக்கறை இல்லாத கூட்டத்தை உருவாக்குகிறது என்று எனது நண்பர் ஒருவர் குறிப்பிட்டார்.நாட்டின் நலன் கருதி பதிவுகள் தடை செய்யபட்டதற்கு வருகின்ற ஒவர் ரியாக்ஷன்கள் எரிச்சலையே உண்டு பண்ணுகின்றன. அதுவும் ஒரு பிரபல பத்திரிக்கை இவ்வாறு இதனை சித்தரித்திருப்பது இவர்கள் மற்ற விஷயங்களை எவ்வாறு விவரிக்கிறார்கள் என்பதற்கு எடுத்து காட்டாக அமைந்திருக்கிறது.

கோபத்தை இ-மெயிலில் வெளிப்படுத்துவது நல்லதா?.

கோபத்தை இ-மெயிலில் வெளிப்படுத்துவது நல்லதா?. சர்ச்சைகளை நேரில் பேசி தீர்ப்பதற்கும் அல்லது தொலைபேசியில் பேசி தீர்ப்பதற்கும், இ-மெயிலில் வார்த்தகளை கொட்டுவதற்கும் வித்தியாசம் உள்ளதா?
இருக்கின்றது என்று தான் எனக்கு தோன்றுகிறது. எவ்வளவோ வசதியாக இருந்தாலும் இ-மெயில் எல்லா உணர்வுகளையும் வெளிப்படுத்த தோதுவாக உள்ளதா என்பதில் சந்தேகம் இருக்கிறது. வார்த்தைகளில் உணர்வுகளை கொண்டுவந்து விடலாம். ஆனால் அது விரும்புகிற விளைவுகளை தான் ஏற்படுத்துகிறதா என்பதை முன்கூட்டியே ஆன்டிசிபேட் செய்ய வேண்டும்.
பிரச்சினைகளை தீர்த்து கொள்ள, அல்லது எனது அதிருப்தியை தெரிவிக்க தொலைபேசியை பயன்படுத்துவது உண்டு. ஆனால் மிக உறுதியாக எச்சரிக்கை விட விரும்பினால் அல்லது எனது கருத்தை அடித்து சொல்ல விரும்பினால் நான் தயக்கமே இல்லாமல் இ-மெயிலை பயன்படுத்துவேன். முன்னர் கூறியது போல அது சரியான விளைவுகளை ஏற்படுத்துமா என்கின்ற கண்ணோடு நமது இ-மெயிலை நாம் பார்க்க வேண்டும்.என்னுடைய கோபத்தை காட்டவோ , எச்சரிக்கை விடவோ அல்லது நான் தைரியமாக எதிர்த்து நிற்பேன் என்று காட்டவோ மிக கவனமாக நான் கடுமையான சொற்களை பயன்படுத்துவேன். இன்னமும் சொல்ல போனால் இந்த மாதிரி இ-மெயில்களில் அடுத்த ஆளின் மண்டை கனத்தை மட்டம் தட்டும் வரிகள் இடம் பெறும்.
இவ்வாறு நான் செய்வதை என் நண்பர்கள் பலர் விமர்சனம் செய்திருக்கிறார்கள். அப்போது நான் சொன்ன பதில்: நம் மீது தவறு இல்லாதவாறு நாம் பார்த்து கொள்ளவேண்டும். நமது அடிப்படை குணங்கள் நன்றாக இருக்க வேண்டும். முக்கியமாக , நேரத்தை வீணடிக்காமல் இருப்பது, கடமை உணர்ச்சி போன்ற விஷயங்களில் நாம் மிகுந்த கவனம் செலுத்த வேண்டும். நம்முடைய அடிப்படை குணங்கள் நன்றாக இருந்தால் நாம் எதற்காகவும் பயப்பட வேண்டியது இல்லை. நான் என்னுடைய மேலதிகாரிகளை எல்லாம் விட்டு வெளுத்திருக்கிறேன் இ-மெயிலில். அவர்கள் தான் அடங்கி போனார்களே ஒழிய நான் சிறிது கூட சமரசம் செய்த்ததில்லை. எனவே இ-மெயிலில் உங்கள் உணர்வுகளை வெளிப்படுத்துங்கள். ஆனால் எழுத்தில் ஒரு விஷயம் கொடுக்க படும் போது அது உங்களை சரியான முறையில் வெளிப்படுத்துகிறது என்பதில் மிக எச்சரிக்கையோடு இருங்கள். அவ்வாறு முடியாத பட்சத்தில் இ-மெயிலை தவிர்த்து விடுங்கள்.
என்னுடைய தனிப்பட்ட அனுபவம் ஒன்றை கூறுகிறேன். ஒரு மேலதிகாரி என்னிடம் மிக தவறாக நடந்து கொண்டார். நான் அவருக்கு கீழ்கண்ட வரிகளை அனுப்பினேன். அந்த மெயிலில் மற்ற மேலதிகாரிகள் காப்பி செய்யபட்டிருந்தார்கள்:
என்னை காட்டிலும் மிகுந்த அதிகாரம் கொண்ட தாங்கள் உங்கள் காரியதரிசி செய்கின்ற அளவு வேலையாத்தான் செய்து கொண்டிருக்கிறீர்கள். ஆனால் நான் என்னை விட பல மடங்கு அனுபவம் வாய்த்தவர்களை விட கூடுதல் வேலை செய்து கொண்டிருக்கிறேன், நீங்கள் செய்கின்ற வேலையை செய்ய இந்த அலுவலகத்திற்கு பலர் கிடைப்பார்கள். ஆனால் நான் செய்வதை செய்கின்ற ஆளை கண்டுபிடிக்க இந்த அலுவலகம் நிறையவே சிரமபடும் .
இந்த மெயிலுக்கு தக்க பலன் கிடைத்தது. அதற்கு பின்னர் அந்த மேலதிகாரி யாருடனும் வாலட்டுவதில்லை.
எப்படி இருக்கிறது என்னுடைய எடுத்து காட்டு?

கொஞ்சம் சுவாரசியம் கூடுகிறது.

1.சட்டமன்ற இருக்கை அமைப்பு விஷயத்தை பற்றி எதிர்கட்சிகளிடம் ஆலோசனை கேட்கபடவில்லை என்று ஜெயலலிதா குற்றம் சாட்டுகிறார்.
2. சசிகலா வந்து சபாநாயகர் இருக்கையில் அமர்ந்திருந்தாரே. அப்போது எதிர்கட்சிகளிடம் ஆலோசனை கேட்கபட்டதா என்று வழக்கம் போல நீங்கள் மட்டும் ஒழுங்கா என்ற ரீதீயில் -ஞாபகதிறனை வைத்து கலைஞர் பதில் கொடுத்தார். அ.தி.மு.க அடங்கி விடும் என்று தான் எதிர்பார்த்தேன்.
3. ஜெயலலிதா அது பற்றி தனக்கு எதுவும் தெரியாது என்றும், இப்போது தி.மு.க வில் இருக்கும் சேடபட்டி முத்தையா செய்த காரியம் அது என்று குத்தலாக கூறியுள்ளார். மேலும் தான் நினைத்தால் சசிகலாவை சட்ட சபையில் அமர்த்த முடியும் என்று சூழுரைத்துள்ளார்.
வழக்கமாக ஜெயலலிதா அறிக்கையில் ஒரு மண்ணும் இருக்காது. ஆனால் இந்த முறை எதிர்கட்சியானதிலிருந்து கொஞ்சம் சுவாரசியம் கூடியிருக்கிறது.ஆனால் வெட்டியாக எல்லா விஷயத்திலும் சண்டை போடுவது என்பதை தி.மு.க, அ.தி.மு.க இருவரும் தொடர்ந்து கொண்டு தான் வருகிறார்கள்.
இனி அடுத்த படியாக சேடபட்டி முத்தையா அறிக்கை விடுவார் என எதிர்பார்க்கலாம்.

என்றென்றும் அன்புடன் பாலாவுக்கு

என்றென்றும் அன்புடன் பாலாவுக்கு,
உங்களுடைய வலைப்பூவை என்னால் பார்க்கவே முடிவதில்லை. எப்போது பார்வையிட முயன்றாலும் இந்த எர்ரர் மெஸேஜ் தான் வருகின்றது? என்ன பிரச்சினை?

தமிழ்மண பட்டிமன்றம் - 1

இன்று காலையில் சொன்னது போல , சூடு தணிக்கவே இந்த பதிவு. தய்வு செய்து சீரியசாக எடுத்து கொள்ளாதீர்கள்.

தலைப்பு: பதிவிற்கு பின்னூட்டம் போடுவது கடினமா, அல்லது பின்னூட்டத்திற்கு பதிவு போடுவது கடினமா

நடுவர் திண்டுக்கல் லியோனி:

அந்த காலத்தில எங்களுக்கெல்லாம் புது புத்தகம் கூட கிடைக்காது. எங்க அப்பா அவரோட அண்ணன் புத்தகத்தை வைச்சி படிச்சாரு. நான் அவர் புத்தகத்த வைச்சு தான் படிச்சேன். பாருங்க எந்த அளவுக்கு கவர்மெண்ட் லேட்டஸ் சிலபஸ் வைச்சு சொல்லி கொடுக்க்குதுன்னு.. இதில பெரிய காமெடி என்னன்னா , நான், எங்கப்பா, என் பெரியப்பா எல்லாரும் ஒரே வாத்தியார்ட்ட தான் படிச்சோம். படிச்சோம்னா என்ன . ஸ்கூலுக்கு போவாம் காலையில, ஒரு சிலேட்டு, குச்சி, உள்ள எங்க பெரியப்பா எல்லாரும் யூஸ் பண்ண புத்தகம். போய் நின்னா, வாத்தியார் வருவாரு. வந்தவுன்னே இரண்டு பேரை போட்டு அடிப்பாரு. அதுக்கப்புறம் தான் அவர் அட்டெண்டன்ஸே எடுப்பாரு.

அதுக்கடுத்து டீச்சர் வரும். டீச்சர் வந்த உடனே அடுத்த கிளாஸ் டீச்சர்ரும் வந்துரும். இரண்டு பெரும் பேச ஆரம்பிச்சிரும். நடுல நடுல " டேய் யாரும் பேசகூடாது" என்று சவுண்டு. நொந்து நூலாயிடுவோம். இந்த லட்சணம் தான் படிப்பு. படிச்சு முடிச்சு வேலைக்கு வந்தா, நாங்கள்ளாம் எழுத முடியுமா, என்னத்த எழுத, எழுதி எங்க கொண்டு போய் காட்ட.

அது தான் அன்னைய நிலைமை. ஆனா இன்னைக்கு பாருங்க, பிள்ளைக்கு பர்த் சர்டிஃபிகேட் வாங்குறதுக்கு முன்னாடியே, டொமைன் நேம் வாங்கிற்றான். பதிவில்ல இன்னைக்கு போட ஒரு நியுஸ் வந்துருச்சு அப்படின்னு அவனுக முகத்துல அப்படி ஒரு குஷி.

என்னடா இப்படி குதிக்கிறானேன்னு பார்த்தா, இவர் பதிவு போட்டா, எப்படியும் ஒரு 30 பின்னூட்டம் வரும். அத 40 இல இருந்து 60 ஆக்கிறலாம். அதுல என் பிள்ளைக்கு நியூமரலாஜி பார்க்கமா தான் பேர் வைப்பேன் அப்படின்னு ஒரு வரி போட்டா அதுக்காக ஒரு இரண்டு எக்ஸ்ட்ராவா வரும் அப்படின்னு கணக்கு போடுறான். யோசிக்கிறான் பாருங்க அப்பாடி அப்படி ஒரு யோசனை. தீவிரவாததை தடுத்து நிறுத்த வழி கண்டு பிடிக்கிற மாறி ஒரு யோசனை.

அப்புறம் கண்டு பிடிக்கிறான் பாருங்க வழி.. தமிழில் தான் சினிமாவிற்கு பேர் வைக்க வேண்டும் என்கின்ற தலைவர்கள், தங்கள் வீட்டு பிள்ளைகளுக்கு வெளிநாட்டினர் பேர், சம்ஸ்கிருதத்தில் பேர் வைக்கிறார்கள். நான் அவர்களை போல அல்ல அப்படின்னு ஒரு லைன் சேத்திரணும்னு.

குஷின்னா குஷி. ஒரு நல்ல சூப்பர் ஹிட் சண்டை வந்துரும்டா இன்னைக்கு. எப்படியும் ஒரு பின்னூட்டம் வரும் நான் கிண்டலடிச்சதை பாராட்டி, அங்கிட்டு உண்மை தெரியாமல் உளராதீர்கள் என்று இன்னோனு வரும் எப்படியும் இன்னைக்கு விடிய விடிய பின்னூட்டம் வரும் அப்படின்னு ஒரு சந்தோஷம். பார்க்குறவங்க, பாருயா மனுஷனா பிள்ளை பொறந்தவுன்னே என்னா குஷியாகிட்டாரு. உடனே குழந்தைன்னா சாதாரணமா , என்னயா கொண்ட்டாட்டும்யா அப்படின்னு ஒருத்தர். அவர் மேட்டர் தெரியாம உளராறு. இவர் அவரை ஆமாதிக்கிறாரு. இது ஒரு பக்கம்.

இன்னொரு பக்கம் யாரு எப்ப எங்க பின்னூட்டம் விடுவாங்க அப்படின்னு பாத்துக்கிட்டு ஒரு கோஷ்டி.இவங்க நேர போறது பின்னூட்டத்துக்கு தான். என்னடா பதிவையே பார்க்க மாட்டேங்குறன்னா, ... அவன் முறைப்பான் பாரு ஒரு முறைப்பு...என்னாத்துக்கு...

இவங்க யார் மாதிரி தெரியுமா, ஊர்ல இருப்பங்கா இரண்டு பேரு. எல்லா படத்தையும் திட்டுவான், ஏலே பாத்திட்டியாடா படத்தை அப்படின்னு கேட்டா , இதெயெல்லாம் பார்த்துட்டு தான் பேசுனுமா, பார்த்தவுக சொன்னக ... எல்லா பத்திரிக்கையும் குறை சொல்லுவான், ஏலே படிச்சிட்டுயாடா, அப்படின்னா இதையெல்லாம் படிக்கணுமா, சொன்னாங்க அப்படிம்பாம்.

அந்த மாதிரி செட்கள் தான் இன்னைக்கு நேரா பின்னூட்டம் போகுது. யார் என்ன சொல்றாங்க அப்படின்னு பார்த்துட்டு ஒரு பதிவே போட்டுறும். இதை பற்றி இவர்கள் என்ன சொல்லியிருக்கிறார்கள் அப்படின்னு லிங்க் அது ஒரு நாலு. அதுக்கு கீழ விகடன் குமுதத்துக்கு 2 லிங்க். அப்படியே பக்கத்தில இங்கே நமீதா படம் சூப்பர் அப்படின்னு ஒரு சிறு குறிப்பு. மேல இரண்டு வரி எப்படியாவது எழுத வேண்டியது. என்னடா பதிவு எழுதிட்டான் அப்படின்னு நமக்கு ஒரு குழப்பமே வந்துரும். அங்கே இங்கே கட் பண்ணான் , பேஸ்ட் பண்ணான். கடைசியில பதிவுங்கிறானே. இது எடுபடுமா அப்படின்னு எட்டி பாப்போம். அங்க பாருங்க கடைசியில ஒரு வேலை பண்ணுறான்.

பதிவர்களை எந்த அளவுக்கு நல்லா புரிஞ்சு வச்சிருக்கான் பாருங்க. தலைப்பு கொடுக்கிறான். திரிஷா ரசிகர்களுக்கு கண் குருடா அப்படின்னு.
ஆரம்பிக்குது பாருங்க சண்டை.

முத பின்னூட்டம் என்ன எழுதுறாங்க பாருஙக: முதல்ல நீ உனக்கு கண் இருக்குன்னு நிருபிய்யா. அப்புறம் பேசு அடுத்தவன் கண்ணை பத்தி. அங்கே இருந்து ஒருத்தன் ஒடி வாரான் அடுத்க பின்னூட்டம் போட, தனி மனிதர்களை தாக்குவது தவிர்க்க பட வேண்டும். வேற்று கருத்துக்கள் இருந்தால் மென்மையாக எழுத வேண்டும் . அப்படின்னு எழுதிட்டு ஒடிர்ரான். இன்னொருத்தான் வாரான் , திரிஷா ரசிகர்களை பற்றி எழுதிய் நீங்கள் ஏன் மற்ற நடிகைகளை பற்றி எழுதவில்லை?. அதுக்கப்புறம் பாருங்க சூப்பர் காமேடி. தமிழ் பெண்கள் க்ற்பை பற்றி பேசிய குஷ்புவை விட திரிஷா மேல். அதை தாண்டி இன்னோனு தங்கர் பச்சான் பேசியது மட்டும் கரெக்டா அப்படின்ன் .. ஒரு ஆறு மாசத்துக்கு சண்டை நடக்கும்..

இன்னோரு செட் இருக்கு பதிவிற்கு தலைப்பு கிடைக்காவிட்டால், வலை பதிவர்களே சந்திப்போம் என்று கிளம்பும் . அதை வைச்சு இரண்டு பதிவு. சந்திச்சிட்டு இரண்டு பதிவு. அதை பார்த்துட்டு இன்னமும் இரண்டும் கோஷ்டி நாங்களும் சந்திக்கிறொம் அப்படின்னு கிளம்பும். என்ன பதியறதுக்கு ஒண்ணமும் கிடைக்கல்...

இடையில் இன்னொரு சமாசாரம்.. யாராவது ஒருத்தர் எனக்கு பிடிச்ச நாலு டீ கடை, நாலு பஜ்ஜி கடை அப்படின்னு ஒரு லிஸ்ட் போட்டுட்டு ஒரு நாலு பேரை கூப்பிட்டு இந்த மாதிரி லிஸ்ட் போடுங்க அப்படின்னு. 4,16 ஆகி,16 64,ஆகி கடைசியில ஒருத்தர் கூப்பிட பதிவர் இல்லாம, மாமா, மச்சான் , சித்தப்பா, பெரியப்பா எல்லாருக்கும் தந்தி அடிச்சு வலைபதிவு ஆரம்பிக்க சொல்லிட்டாரு. என்னா இவர்கிட்ட எழுத மேட்டருல்ல.ஆனா லிஸ்ட் இருக்கு. பாருங்க கடைசியில அது போயி முடியுதுன்னு..

இந்த நிலைமையில் நாம இங்க பேச போறோம். பதிவிற்கு பின்னூட்டம் போடுவது கடினமா, அல்லது பின்னூட்டத்திற்கு பதிவு போடுவது கடினமா அப்படின்னு

தொடரும்.