தி.மு.க இருக்காது.

தி.மு.க விற்கு இதுவே கடைசி தேர்தல் என்று ஜெயலலிதா கூறியிருப்பது அவருடைய ஆணவத்தின் உச்சகட்டமா அல்லது ஒரு மனரீதியான தாக்குதலா? அவர் ஆணவத்தில் கூறியிருந்தாலும் கூட அது ஒரு மனரீதியான தாக்குதலாக அமைகின்றது.
குமுதத்தின் கருத்து கணிப்புகள் அவருக்கு சாதகமாக அமைந்த்துள்ளது. முதல் 2 ரவுண்டுகளில் பெருவாரியான தொகுதிகளில் அ.தி.மு.க விற்கு சாதகமாக அமைந்துள்ளது. கூட்டணி கணக்குகளை மீறி அவர் வெற்றி பெற்றால் அது சாதனை தான். ஆனால் 1991 தி.மு.க அடைந்த படுதோல்வியின் போதும் இந்த மாதிரிதான் அனைவரும் நினைத்தார்கள். தி.மு.க மீண்டும் ஆட்சிக்கு வந்தது. 1996 இல் அ.தி.மு.க அடிவாங்கிய போது அனைவரும் ஜெயலலிதாவின் அரசியல் வாழ்க்கை முற்றுபுள்ளி வைக்க பட்டது என்றே கருதினார்கள். அந்த அளவுக்கு அவருடைய இமேஜ் காலியாகி இருந்தது. ஆனால் அதனையும் தாண்டி 5 வருடத்தில் ஆட்சியை பிடித்தார்.
என்ன அடி வாங்கினாலும் இந்த இரண்டும் மீண்டும் மீண்டும் வந்து விடும். காரணம் அடுத்தவர்கள் செய்கின்ற தவறுகள். எனவே ஜெயித்தாலும் தோற்றாலும் இந்த கட்சிகள் மீண்டும் மீண்டும் தொடரும்.
தி.மு.க இருக்காது என்று ஜெயலலிதா விட்ட அறிக்கைக்கு சூடான பதில் எதுவும் வரவில்லையே!... தி.மு.க பயந்து விட்டதா?. ரன் படத்தில் வில்லனிடம் மாதவன் இறுதியில் சவால் விடும் காட்சியையும் அதன் பின்னர் வில்லன் காட்டும் ரியாக்ஷனையும் நினைத்து பாருங்கள். பொருத்தமாக இருக்கும்.