திராவிட முன்னேற்ற கழக கூட்டணிக்கு ஒட்டு போடுங்கள்.

ஜெயலலிதா எப்படி பட்ட தலைவராக உள்ளார்?
1. மற்றவர்களை எவ்வளவு கீழ்தரமாக வேண்டுமானாலும் நடத்துவார். அருணாசலத்தை ஒரு முறை விமானத்தில் இருந்து இறக்கி விட்டார். மணி சங்கர் அய்யரை பொது மேடையில் அவமான படுத்தினார்.

2. எவ்வளவு கீழ்தரமாக வேண்டுமானாலும் ஏசி அறிக்கை விடுவார்.சென்னா ரெட்டி பற்றி அவர் விட்ட அறிக்கை கீழ்தரத்தின் உச்சகட்டம். நாவலரை உதிர்ந்த ரோமம் என்றார்.

3.கட்சி காரர்களை அவர் நடத்துகிற விதம் சர்வாதிகாரத்தின் உச்சகட்டம். ஒட்டுமொத்த கூட்டமும் அவரை அம்மா தாயே என்று கும்பிடுகிறது. அவரோ அந்த கூட்டத்தை மனிதர்களாகவே மதிப்பதில்லை.(அந்த கூட்டம் அதை பொருட் படுத்துவதாகவே தெரிவதில்லை.)

இத்தைகைய பல மோசமான குணங்கள் இருந்தாலும் அதை மீறி அவர் வெல்வது ஒரு பெரிய ஆச்சரியமே. சென்ற முறையை விட இந்த ஆட்சி பரவாயில்லை என்பது ஒரு கேனத்தனமான ஸ்டெட்மென்ட். அவர் போன முறை செய்தது ஆட்சியே இல்லை. காட்டுமிராண்டிதனத்தின் உச்சகட்டம். ஒரு ஜனநாயக நாட்டில் அவர் 5 வருடம் ஆட்சியை மக்கள் அனுபவித்தது நமது ஜனநாயக அமைப்பில் உள்ள் குளறுபடிகள், பலவீனங்களின் எடுத்து காட்டு. எனவே அந்த முறையை விட இந்த முறை பெட்டர் என்பது (உண்மையானாலும்) கேனத்தனமே. அதை காட்டிலும் ஒரு மோசமான ஆட்சி இருக்க முடியாது.

இந்த முறையுமே அவர் மோசமான, சுயநலம் உள்ள ஆட்சியாளராகவே காட்சி அளித்தார். பாராளுமன்றத் தேர்தலுக்கு முன்னர் அவர் கொண்டு வந்த கட்டுபாடுகள் சீர்திருத்தங்கள் அல்ல, வேறு வழியில்லாமல் எடுக்க பட்ட முடிவுகள். தன்னை மக்கள் கண்டிப்பாக மக்கள் ஆதரிப்பார்கள் என்பது அவருடைய குருட்டுதனமான நம்பிக்கை. அதனால் தான் அவர் பாராளுமன்ற தேர்தலில் கூட்டணி அமைப்பதில் ஆர்வம் காட்டவில்லை. ஆனால் தேர்தல் முடிவுகள் அவருக்கு பெரும் அதிர்ச்சியை அளித்தன. அதற்கு அப்புறம் அவர் சலுகைகளை வாரி இறைத்தார். ஒரு பாலன்ஸ்ட் ஆன லீடராகவே அவர் காட்சி அளிக்கவில்லை.

அவர் ஆட்சியில் அவருடைய எதிரிகள் கூட குறை கூற முடியாத அம்சம் : தீவிரவாத எதிர்ப்பில் அவர் காட்டும் கண்டிப்பு. இவருடைய ஆட்சியின் ஒரே சிறப்பம்சம் இதுவே. இவர் இல்லாவிட்டால் வீரப்பன் போன்றவர்கள் இயற்கை மரணம் மட்டுமே அடைந்திருப்பார்கள்.

இவ்வளவு மத்தியிலும் இவர் இன்னமும் சக்கை போடு போட காரணம் 1. கருணாநிதி, 2. மக்களிடையே உள்ள் ஆர்வமின்மை. தமிழகத்தில் உள்ள அனைவரும் வோட்டு போட்டால் தி.மு.க , அ.தி.மு.க வை முந்தி விடும். காங்கிரஸ் மூன்றாவது இடத்தில் இருக்காது. பா.ம.க, , ம.தி.மு.க போன்றவையும் அடிவாங்கும்.

நாடு விட்டு நாடு வந்தவர்கள், அல்லது மற்ற மாநிலத்தில் உள்ளவர்கள் ஒட்டு போடாதது தவிர்க்க முடியாதது. ஆனால் சும்மா வீட்டில் இருந்து கொண்டே இதனை தவிர்ப்பவர்கள் தங்கள் பழக்கத்தை மாற்றி கொள்ளவேண்டும்.

எல்லோரும் வாருங்கள் . ஒட்டு போடுங்கள். இந்த முறை வாய்ப்பினை தி.மு.க விற்கு வழங்குங்கள். தொடர்ச்சியாக இரண்டு முறை வாய்ப்பு கொடுத்தால் (அ.தி.மு.க ஆனாலும் தி.மு.க ஆனாலும் சரி) அவர்கள் ஆட்டம் தாங்கமுடியாது. வெளிப்படையாக இவ்வாறு எழுதுவது எனது நம்பகத்தன்மையை,நடுநிலைமையை பற்றி சந்தேகங்களை எழுப்பலாம். ஆனால் நாட்டிற்கு இதனால் நன்மை உண்டு என்று நான் கருதும் போது அந்த எண்ணத்தை வெளி படுத்துவது தவறில்லை என்றெ நான் கருதுகிறேன்.