பங்க்சு பார்ட்டியும் தமிழக தலைவர்களும்

பங்க்சு பார்ட்டி நண்பர்கள் இந்த வி.ஐ.பி க்களை சந்திக்கிறார்கள். முதலில் ராமதாசு அவர்கள்.
பங்க்சு: ஐயா,வணக்கம், ஓண்ணும் ஓண்ணும் ரெண்டுல உங்கள பத்தி எழுதினேன். படிச்சிங்களா?.
ராமதாசு: எந்த பத்திரிக்கையையும் நம்பி நான் இல்ல. (தொண்டர்களை பார்த்து) இனிமே,இந்த பத்திரிக்கை படிக்காதிங்க...
பங்க்சு: தலைவர்கள் எல்லாம் தொண்டர்களுக்கு நல்லது செய்வாங்க. ஆனா நம்மூர்ல மட்டும் தான் இதை படிக்காத , அதை படிக்காத அப்படின்னு அறிவுரை(?) சொல்றிங்களே ஏன்?
ராமதாசு: எல்லாரும் படிச்சுட்டா, என் பேரன், பேத்தி எல்லாம் மத்திய மந்திரி ஆக முடியாது.
பங்க்சு: ஐயா சூப்பருங்க!!, உங்களுக்கு இருக்கிற விஷனே தனி. ஏன் ஐயா சினிமா காரங்களை தாக்குறீங்க?
ராமதாசு: நாளைக்கு தேவப்படும்போது கலாட்ட பண்ண தெரியனும். அதுக்கான ட்ரைனிங் தான் இந்த ஸ்டண்ட்.
பங்க்சு: அப்படின்னா மக்கள் நலனுக்கு 2006 ல எதுவும் திட்டம் உண்டா?
ராமதாசு: இந்த தடவை தி.மு.க, அ.தி.மு.க ரெண்டு பேரோடையும் கூட்டணி வைக்கலாம்னு இருக்கேன். இங்க ஒரு 30, அங்க ஒரு 30, யாரு ஜெயித்தாலும் 6 மந்திரி பதவி. இது தான் ரேட்.
பங்க்சு: சூப்பர்யா, உங்களுக்கு எதிர்காலம் பிரமாதம்.

அடுத்து ஜெயலலிதா,

பங்க்சு: அம்மா, உதவிதொகை அளிக்கிறேன்னு ஒரு 50 பேரை போட்டு தள்ளிடிங்களே?
ஜெயலலிதா:உதவிதொகை கொடுத்து நான் பேர் வாங்கிருவேன்னு, கருணாநிதி 50 பொணத்தை கொண்டு வந்து போட்டுடார். ஜெயா TV பார்த்தா உண்மை தெரியும்.
பங்க்சு:பொறுப்பான பதில். அடுத்து என்ன இலவச திட்டம் வைச்சுருக்கிங்க?ஜெயலலிதா: மக்கள் இனிமே எந்த கடையிலும்போய் எதை வேணும்னாலும் எடுத்துக்கலாம்னு ஒரு திட்டம் வருகிறது.
பங்க்சு: நன்றிம்மா, நன்றி

அடுத்த படியாக கருணாநிதி.
பங்க்சு: ஐயா வணக்கம்.கருணாநிதி: பேரன்பு மிக்க உடன்பிறப்பே, இப்படி வெறுங்கையோடு வந்திருக்கிறாயா?

பங்க்சு: ஐயா புத்தாண்டு வாழ்த்துக்களோடு தான் வந்திருக்கிறேன்.

கருணாநிதி: அது யாருக்கு வேணும்? எனக்கு நிதி தான் வேணும்.

பங்க்சு: ஐயா, புத்தகம், முரசொலி,சினிமா கதை வசனம் எழுதி தமிழனை கொல்றது மட்டுமில்லாமல்,பில் கேட்சுக்கும் புத்தகம் கொடுத்திட்டங்களே,
கருணாநிதி: ஆமாம். விக்காத ரெண்டு புக்க அவருக்கு கொடுத்தேன். காசு நிறைய கொடுப்பார்னு பார்த்தேன். பெரிய பணக்காரர்னு சொன்னாங்க... ஆனா அவரு ஒண்ணும் கொடுக்காம போயிட்டார்.பில் கேட்சு சந்திப்பு பற்றி புத்தகம் எழுதி காசு பாக்கணும்
பங்க்சு: ஐயா, எனக்கு ஏதாவது அன்பளிப்பு உண்டா?

கருணாநிதி: என்னுடைய நெஞ்சத்தில் இடம் கொடுக்கிறேன்.
அடுத்த படியாக வைகோ.பங்க்சு:வைகோ அவர்களே வணக்கம்.
வைகோ: பொறுதடக்கை வாளெங்கே, மணிமார்பெங்கே,பறுவயிரத்தோளெங்கே என்று கேட்டவளை கலிங்கத்து பரணியில் பார்த்திருப்பீர்கள். அத்தகைய தோள்களை நான் பங்க்சு பார்ட்டி நண்பர்களிடம் காண்கிறேன்.
பங்க்சு: கலைஞர பார்த்தாலே கட்டி பிடிச்சு அழுகிறிங்களே ஏன்?
வைகோ: எனக்கும் அவருக்கும் உள்ள நட்பு தேர்தல் வரும் போது மட்டும் தான் பிரியும். மற்ற எப்பவும் மாறாதது.
பங்க்சு: இலஙகை தமிழனுக்குன்னு மீண்டும் குரல் கொடுக்கிறீர்களே, தமிழக தமிழன் ஏன் மறந்து விட்டீர்கள்.
வைகோ: இலஙகை தமிழன் காசு கொடுக்கிறான். நம்மூர் தமிழனுக்கு குரல் கொடுத்தா பிரயோஜனம் இல்லை.
பங்க்சு: சூப்பர் வைகோ அவர்களே